VIDEO: Motor-UniounDuerch d'Mëtt oder iwwer Pannespur? Eng Glawensfro!

Wa Stau op der Autobunn ass, missten d'Motocyclisten eigentlech mat an deem Stau stoen.

Eng Glawensfro: Duerch d'Mëtt oder iwwer Pannespur? (19.06.2017)
Wa Stau op der Autobunn ass, missten d'Motocyclisten eigentlech mat an deem Stau stoen.
Dat seet jiddefalls de Code de la Route. Riets, lénks oder duerch d'Mëtt laanscht d'Autoen fueren, ass verbueden. D'Iddi, datt d'Motorrieder deen Ament lues kéinten iwwert d'Pannespur fueren, dovunner hält d'Motor-Unioun net vill.

D'Propos mat der Pannespur hat den europäeschen Vizepresident vun der internationaler Motorradsfederatioun déi lescht Woch gemaach. Och den däitschen Automobilsclub ADAC setzt sech fir d'Léisung mat der Pannespur an.

RTL-NEWS mat ganz ville Liesercommentairen: "VIDEO: Behuele vun 2-Rieder am Test - Motocylisten dierfen am Stau net laanschtfueren, sou Police."

D'Lëtzebuerger Motor-Unioun huet eng aner Propositioun. Bei engem Stau géif et jo eng Spur an der Mëtt ginn, déi misst fräigelooss ginn. Déi soll kënne vun de Motorrieder benotzt ginn.

Allgemeng misst méi fir d'Sécherheet vun de Motocyclisten gemaach ginn, fuerdert d'Motor-Unioun. Virop am Norden vum Land, wou vill Touristen mat hire Motorrieder ënnerwee sinn. Hei géing et u Kontrollen an Infrastrukture feelen.



Reegelméisseg treffe sech d'Motorradsfederatioune mam zoustännege Ministère. Zesummen géing een dru schaffen, datt d'Stroosse fir d'Motorrieder méi sécher ginn.

E Reportage vum Ryck Thill am Journal vun RTL Télé Lëtzebuerg - den éischten Deel vum Sujet hat virun e puer Deeg fir ganz vill Reaktiounen op RTL.lu an och an de sozialen Netzwierker gesuergt.

RTL-NEWS mat ganz ville Liesercommentairen: "VIDEO: Behuele vun 2-Rieder am Test - Motocylisten dierfen am Stau net laanschtfueren, sou Police."

Behuele vun 2-Rieder am Stau am Test (14.06.2017)
Motocylisten dierfen am Stau net einfach laanschtfueren, sou d'Police.


Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.