VideoOneens virun der Kräizung an dann einfach duerch Rout

Um Sonndeg de Moie ware 5 Cyclisten zu Fréiseng op der Haaptkräizung ganz onorthodox ënnerwee ... a goufe vun engem Automobilist gefilmt.

Gefilmt: Vëlosfuerer um Sonndeg de Moien zu Fréiseng (17.07.2017)
Oneens virun der Kräizung an dann nach duerch Rout. En Automobilist huet eis dëse Video geschéckt ...
D'Persoun, déi de Video gemaach huet, ass Beruffschauffer a war hei, wéi si RTL confirméiert huet, als Bäifuerer ënnerwee. Si hätt direkt e Verdacht gehat, wéi se de Grupp Vëlosfuerer gesinn huet, um Sonndeg de Moien op d'Haaptkräizung vu Fréiseng duerfueren ...

An dee Verdacht sollt sech bestätegen, well d'Cyclisten hu sech net grad esou beholl, wéi de Code de la route et virgesäit. Bannen am Duerf si se nieftenee gefuer an op der Sich no engem Wee, fir net musse bei Rout stoen ze bleiwen, sinn déi eng éischter no riets, een awer och ganz no lénks op déi aner Spur gefuer. Op der Kräizung selwer huet de Grupp dunn de Wee no riets ageschloen, fir finalement awer riichtaus ze fueren - duerch Rout, an engem Ament, wéi grad keen Auto koum.

Leider géif een esou Zeene vill ze dacks gesinn, bedauert de Beruffschauffer, dee gefilmt huet, awer anonym bleiwe wëll. All gudden Dag géif hien erliewen, datt e Cyclist léiwer net wéilt stallhalen, fir de Fouss net aus der Pedall mussen ze huelen. A vill ze dacks géifen Ofkierzungen iwwer den Trëttoir gesicht, fir esou laanscht rout Luuchten ze kommen.

COMMENTAIRE aus dem Mäerz 2017: "Lëtzebuerg: e Vëlosland?", vum Chefredakter vun RTL Télé Lëtzebuerg, Guy Weber. Mat ganz ville Lieser-Commentairen.

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.