Radaren30 Prozent vu geblëtzte Gefierer gehéieren Entreprisen

Bei méi wéi 500.000 Chaufferen, déi ze séier laanscht d'Radare gefuer sinn, maachen dat ongeféier 157.000 professionell Chaufferen, déi erwëscht goufen.

Parlamentaresch Fro: Radaren / Reportage Dany Rasqué



Déi professionell Chauffeure maachen also ronn 30 Prozent vun all de Protokollen aus, déi duerch d'Radare verschéckt goufen.

D'Cécile Hemmen hat donieft gefrot, ob et méiglech ass ze soen, wéi eng Gefierer geblëtzt goufen. Och dat geet aus der gemeinsamer Äntwert vun de Ministere fir déi bannenzeg Sécherheet a fir d'Securité sociale ervir.

Et waren eng 30.000 Camionen, déi erwëscht goufen an eng 126.000 sougenannte véhicules légers. Dat sinn am Prinzip all d'Gefierer, déi net als poids lourd immatrikuléiert sinn. 70 Prozent vun all de Gefierer, déi geblëtzt goufen, gehéieren awer Privatpersounen.

D'LSAP-Deputéiert wollt dann awer och nach an hirer parlamentarescher Fro wëssen, ob een d'Assurance décès fir de Chauffer vun engem Betribsauto net misst obligatoresch fir d'Entreprise maachen.

D'Ministere Schneider a Schneider präziséieren an hirer Äntwert, datt dat keng weider Garantie fir déi professionell Chauffere wier an eigentlech just weider Käschte fir d'Betriber géif mat sech bréngen. 

PDF: Parlamentaresch Fro "geblëtzte Gefierer" vum Cécile Hemmen

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.