VIDEO: Och zu Lëtzebuerg denkbar?Méiglechen Dieselverbuet an däitsche Stied

Wann der een Diesel hutt an dir dierft net méi domadder an d'Stad erafueren. Dat blitt Millioune vun däitschen Automobilisten.

Dieselverbuet: Och zu Lëtzebuerg denkbar? (22.02.2018)
An Däitschland soll e Geriicht iwwer e méiglechen Dieselverbuet a Stied entscheeden.
Dësen Donneschdeg sollt um Bundesverwaltungsgeriicht een Uerteel iwwert den Dieselverbuet an däitsche Stied huelen. Dat ass awer op d'nächst Woch verluecht ginn.

Kéint ee sech dat och zu Lëtzebuerg virstellen a wat géif dat fir Loftqualitéit bréngen?

Bei engem Verbuet géif d'Entrée vun der Stad ganz anescht ausgesinn, ma esou e Verbuet wier just schwéier virzstellen, seet de Generaldirekter vum ACL Jean-Claude Juchem. Vun der Politik nämlech heescht et, datt een als éischt emol wéilt kucken, wéi déi Mesuren, déi ergraff gi sinn, gräifen. 

Well och zu Lëtzebuerg géif et sougenannten Hotspots ginn. Plazen, wou d’Loftverschmotzung zu Spëtzestonnen iwwert de Grenzwäerter läit.

Kuckt ee sech de Lëtzebuerger Fuerpark un, sou ass den Diesel bei wäitem dat Gefier, wat den Ament am meeschte fir d’Lëtzebuerger Stroossen immatrikuléiert ass. Wann an Däitschland elo en Dieselverbuet a verschiddene Stied decidéiert gëtt, ass et evident, datt och d'Lëtzebuerger mat hiren Diesel-Ween net an déi Stied fueren dierfen.

D’Bundesverwaltungsgeriicht huet sech ënnert anerem méi Bedenkzäit ginn, well ee kucke wëll, wéi iwwerhaapt esou eng drastesch Mesure kéint kontrolléiert ginn.

Den Automobilclub wënscht sech op alle Fall méi Opklärung, datt de Consommateur gewise kritt, wéi ee Gefier am Beschte bei e passt. Hei wier et virop d’Politik déi gefuerdert wier.




Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.