ELO MAT VIDEO2 Joer Radaren: 536.000 Chauffeure goufe bis elo geblëtzt

Um Freideg ass et op den Dag genee 2 Joer hier, datt deen éischten Radar a Betrib geholl gouf.

2 Joer Radaren: 536.000 Chauffeure goufe bis elo geblëtzt (16.03.2018)
Um Freideg war et op den Dag genee 2 Joer hier, datt deen éischte Radar a Betrib geholl gouf.

De 16. Mäerz viru genee 2 Joer gouf den éischte fixe Radar a Betrib geholl. Zanterhier goufen iwwer 536.000 Chauffeuren geblëtzt. Dovunner hu 522.000 Leit missen 49 resp. 145 Euro als Protokoll bezuelen.

2.000 Chauffere waren am "Délit de grande vitesse", déi hunn e Rendez-vous viru Geriicht.

Aktuell sinn 21 fix Radaren operativ. Weider dräi Stéck, déi rezent opgeriicht goufen, dorënner um Enn vun der Escher Autobunn virum Rondpoint Rammerech ginn deemnächst a Betrib geholl.

© Didier Weber


Dee fixe Radar, deem iwwregens am meeschte geblëtzt huet, ass deen op der B7 bei Schieren. Dësen huet bal 140.000 Chauffeuren erwëscht, déi ze séier ënnerwee waren. Hannendrun am Ranking kënnt de Radar um Enn vun der Escher Autobunn zu Hollerech, an deen op der N7 bei Lëpscht. Donieft sinn och zanter bal 2 Joer déi mobil Radaren am Asaz. Domadder goufe bis haut iwwer 70.000 Automobiliste geblëtzt, wéi d'Wort um Freideg schreift.

Reportage e Freideg den Owend op RTL Télé Lëtzebuerg.

De Paul Hammelmann vun der Sécurité Routière.© Didier Weber


Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.