Richtung SandweilerNach e Schantje beim Rond-point Irgäertchen

Vum Rondpoint Irgäertchen Richtung Sandweiler gëtt d'Strooss méi breet gemaach. Eng Spur vu Sandweiler erfort gëtt dofir fir den Trafic zougemaach.

Op enger Längt vun 350 Meter gëtt d'N2 tëscht dem Rond-point Irgäertchen an Direktioun Sandweiler méi breet gemaach, dëst tëscht dem 15. Juni an dem 27. Juli.

Dofir muss eng vun den 2 Spuren, déi vu Sandweiler Richtung Rond-point Schaffner féieren, op enger Längt vun 350 Meter gespaart ginn. Déi 2. Spur an d'Busspur bleiwe fir den Trafic op.

PDF: Plang vum Chantier

En anere Schantjen op der N2a tëscht dem Rond-point Irgäertchen an dem Cents ass schonn den 11. Juni ugaangen, an dauert och bis de 27. Juli.

Artikel: Irgäertchen/Cents - Aarbechte ronderëm Rondpoint ugefaangen

Et muss een also Gedold matbréngen déi nächst Wochen, wëssentlech dass och ouni Schantjen schonn ëmmer vill Trafic am a ronderëm de Rond-point Irgäertchen ass.

Den Numm vum Rond-point: Mat e oder ouni e?

Eng Notiz zu der Orthographie vun Irgäertchen: Natierlech hunn och mir eis gefrot, ob et "Iergäertchen" vir mat e ass, esou wéi d’P&Ch et schreiwen, wéi mir et ewell dacks geschriwwen hunn a wéi een et och op ville Plaze fënnt, oder “Irgäertchen” ouni e vir.

Hëlt een dat däitscht Wuert "Irrgarten" als Basis, bréngt dat een ewell op d’Spréng, well da gëtt et kee Grond, de Rëtschvokal e anzefügen, well et sech bei Irgäertchen ëm en zesummegesatent Wuert handelt, do kann een déi zwee Deeler getrennt kucken.

Fir op Nummer sécher ze goen, hu mir beim "Lëtzebuerger Online Dictionnaire" nogefrot an den LOD huet super séier geäntwert a proposéiert dann och "Irgäertchen", also ouni e vir, wéinst der Zesummesetzung iren + Gäertchen, wéi d’Experte schreiwen.

Merci fir déi prompt Hëllef.

Pressecommuniqué

Fermeture sur 350 mètres d’une voie de la route nationale N2 en provenance du rond-point Robert Schaffner et en direction de Sandweiler (15.06-27.07.2018)

Communiqué par: Administration des ponts et chaussées

Dans le cadre du réaménagement du rond-point Robert Schaffner (Iergäertchen), des travaux d'élargissement de la route nationale N2 en provenance du rond-point Schaffner en direction de Sandweiler seront réalisés du vendredi 15 juin au vendredi 27 juillet 2018.

Par conséquent, une des deux voies de circulation de Sandweiler vers le rond-point Schaffner sera fermée sur une longueur de 350 mètres. La 2e voie de circulation ainsi que la voie de bus resteront en service.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.