SNCTNei Kontrollstatiounen zu Jonglënster an um Fridhaff?

Aktuell géife Verhandlunge mat de respektive Gemenge lafen, huet den Nohaltegkeetsministère confirméiert.

© AFP

Kommen nei Kontrollstatiounen op Jonglënster an op de Fridhaff? D'Verhandlunge lafe mat de respektive Gemengen, mä nach ass näischt ganz fix decidéiert. Déi RTL-Informatioune krute mer vum Nohaltegkeetsministère confirméiert.

Nieft dësen 2 Sitten sinn awer och nach aner Plazen am Gespréich, wou d'SNCT Kontrollstatioune kéint bauen.

Déi staatlech SNCT, déi Gefierer kontrolléiert, wëll sech weider entwéckelen a sech och gutt opstellen an engem Ëmfeld, wou d'Konkurrenz wiisst. 450.000 technesch Kontrolle mécht eng SNCT all Joer, dat zu Sandweiler, Esch, Wëlwerwolz an zu Biissen.

D'SNCT huet jo net méi de Monopol, och aner Gesellschaften wéi Dekra beispillsweis däerfen haut Kontrollen hei am Land duerchféieren.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.