Umeldung vun AutoenZousätzlech Käschte vun 126€ bezéie sech op "Fin de série"-Gefierer

Wa Virschrëften änneren, däerfe während enger bestëmmter Period nach Autoe vu virdrun ugemellt ginn. Dat ass awer mat administrativem Opwand verbonnen.

Wéinst der neier Prozedur WLTP, déi de Verbrauch vun Autoe moosst, goufen et jo eng Rei Problemer fir bestëmmten Neiween unzemellen.  Als Tëscheléisung goufe provisoresch Immatrikulatiounen zeréck behalen.

Verschidde Verkeefer a Cliente beschwéiere sech awer an deem Kontext, datt d'SNCA bei den normalen Timber frais de dossiers vun 126 € derbäi rechent.

Op Nofro am Ministère si mer gewuer ginn, datt dëst bei „fin de série“-Gefierer normal wier an datt dës Käschten näischt mat de provisoreschen Umellungen ze dinn hätten.
All Kéiers wann d'Virschrëften änneren däerfen nach während enger bestëmmter Period Autoe vu virdrun ugemellt ginn, déi déi nei Konditiounen nach net erfëllen.
Well dëst awer zum Deel e gréisseren administrativen Aarbechts-Opwand géing mat sech bréngen géinge Fraisen ufalen.
Ob elo de Verkeefer oder Keefer heifir muss opkommen, datt mussen dës ënnert sech ausmaachen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.