Zanter e FreidegNei Nimm op der Pompel

Wou bis ewell 95er, 98er oder Diesel drop stoung, gesi mer vum 12. Oktober un aner Nimm an och Piktogrammer, eng EU-Direktiv gesäit dat vir.

Nei Nimm op der Pompel (12.10.2018)
Wou bis ewell 95er, 98er oder Diesel drop stoung, gesi mer vum 12. Oktober un aner Nimm an och Piktogrammer, eng EU-Direktiv gesäit dat vir.
Nei Nimm fir de Sprit / Reportage Pit Everling



D'Norm 16.942 soll d'Nimm vun de Sprit-Zorten europawäit harmoniséieren, seet de President vum Groupement pétrolier, Romain Hoffmann. An all Land an Europa soll de Client domadder an Zukunft wëssen, ob en de richtege Bensin oder Diesel tankt.

Bis ewell wieren et an Europa nämlech vu Land zu Land zum Deel Ënnerscheeder ginn. Wann een zum Beispill hei am Land vun Diesel schwätzt, da schwätzt een a Frankräich vu gazole an an England steet gasoline awer fir Bensin.

Elo kommen nei Piktogrammer mat Buschtawen dran:

- Beim Diesel ass et e Karo mam Buschtaf B dran.
- Beim Gas ass et eng Raut, ze liesen ass LPG, CNG oder LNG.
- A beim Bensin ass et ee Krees mat engem Buschtaf E an enger Zuel. Dës Zuel steet fir de maximale Prozentsaz u Bio-Ethanol, deen am Bensin kann dra sinn.

© Andy Brücker


De Romain Hoffmann geet dovunner aus, datt d'Erkennungs-Charakteristik vu bis ewell op den Zapsailen erhale bleiwen.

Stéchdag ass den 12. Oktober, d'Preparatiounsaarbechte lafen, verschidde Statiounen hätte schonn ëmgestallt, esou nach de Romain Hoffmann.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.