VIDEOEN - Automobilisten opgepasstD'Streck vum Stafelter op Helsem/Walfer ass gespaart

E Méindeg huet déi zweet Phas vun den Aarbechte fir den Tunnel ënnert der Eisebunn zu Walfer ugefaangen - mat gréissere Konsequenzen op den Trafic.

Präzisiounen iwwer 2. Phas vu Bauaarbechten (22.10.2018)
E Méindeg huet déi zweet Phas vun den Aarbechte fir den Tunnel ënnert der Eisebunn zu Walfer ugefaangen - mat gréissere Konsequenzen op den Trafic.
De Stafelter wäert eng ganz Zäitlaang gespaart sinn, wéinst Aarbechte bei der Barrière zu Walfer. Dee Chantier ass elo an der 2. Phas a well do an der Géigend ronderëm d'Ausweichméiglechkeeten zou sinn, si Stau an Zéifloss virprogramméiert.

Schaffes zum Beispill och an de Krommlängten, dem CR133, dee laanscht d'Schinne geet an "hannerëm" vu Walfer iwwer Beggen op Dummeldeng féiert. Dëse "Schläichwee" geet aktuell net.

Chantier zu Walfer: Reportage Pit Everling





D'CFL an d'Ponts et Chaussées bauen zu Walfer op der Barrière PN17 eng Ënnerféierung - dat ass an der Rue Prince Henri.

Duerch de Schantjen PN17 ass den Trafic tëscht Walfer an Helsem, dat ass den CR125, an tëscht Helsem an dem Stafelter, dat ass den CR126, gespaart - an zwar a béid Richtungen.

Dat zënter dem Méindeg, 15. Oktober. Deen Dag huet nämlech déi zweet Phas vum Chantier ugefaangen, wat nawell vill Leit iwwerrascht a rose gemaach huet, wéi een un de Commentairen op Facebook ënnert dem Post vun der Walfer Gemeng noliese kann ...

E Méindeg den Owend ëm 23 Auer war dee kuerzen, informative Post ewell iwwer 90 Mol kommentéiert ginn ...




... duerno huet och d'Walfer Gemeng offiziell op Facebook Positioun bezunn.




Wéi laang d'Streck vu Walfer iwwer Helsem op de Stafelter erop gespaart ass, ass net genee gewosst - et kéint awer bis Mäerz sinn, well d'Phas 2 war mat enge 5 Méint virgesinn, sollt ursprénglech awer vu Mäerz bis Juli 2018 daueren, ma d'Aarbechten un der Ënnerféierung hu fatzeg Verspéidung.

Weider Infoen op dem Site vun der Walfer Gemeng.

PDF: Schreiwes vun der Walfer DP a Walfer LSAP.

Well nom Autosbrand e Sonndeg den Owend den Tunnel Grouft an domat déi ganz Nordstrooss Richtung Norden vum Stafelter u bis Luerenzweiler gespaart war, war en Dënschdeg de Moie ganz vill Trafic an der Géigend Stafelter-Waldhaff, wou een als Automobilist vill Gedold gebraucht huet ...



Stafelter-Walfer zou: Stau an Zéifloss virprogramméiert (17.10.2018)
Dee Chantier un der Walfer Barrière ass elo an déi 2. Phas gaangen - ma Auswäichméiglechkeete feelen.


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.