Invité vun der Redaktioun (19. Dezember) - Philippe Mersch (Fegarlux)Et ass normal, dass de Client veronséchert ass

E Mëttwoch den Moie war de President vun der Federatioun vun de Lëtzebuerger Garagisten den Invité vun der Redaktioun.

Invité vun der Redaktioun: Philippe Mersch (19.12.2018)
Den Invité vun der Redaktioun vu méindes bis donneschdes moies géint 8h10 am Studio vun RTL Radio Lëtzebuerg.

"Et ass normal, dass de Client veronséchert ass, mä mir sinn als Garagisten gefuerdert Pädagog ze spillen, an eis Produiten anstänneg ze erklären." Dat sot de Phillippe Mersch um Mëttwoch de Moien als eisen Invité vun der Redaktioun.

De President vun der Fegarlux mengt, dass d’Diesel-Diskussioun, an d’Onsécherheet déi sech doraus ergëtt, duerchaus verständlech wier.

Den Diesel wier awer nach laang net dout. En ass nach ëmmer éischte Choix wann ee vill Kilometer mécht. Déi nei Dieselen, d'Euro 6D-Norm, géifen och sämtlech Ëmwelt-Oplagen méi wéi erfëllen.

D’Elektromobilitéit wier natierlech ëmmer méi um Kommen, an dat net onbedéngt wéinst der Diskussioun ëm den Diesel, mä einfach well déi Autoen ëmmer méi performant ginn, a generell och méi driwwer géif geschwat ginn, mengt de Phillippe Mersch.

Vun engem CO2-neutrale Won ze schwätzen, wier do awer schwiereg. Obschonns dat sécherlech um lokale Plang wouer wier, misst een am Hannerkapp hunn, dass dat am globale Kontext net wouer wier, well jo d’Stoffer fir d’Batterien dann awer vill Ëmwelt-Problemer géifen duerstellen.

Zu Lëtzebuerg mécht de Marché vun der Elektromobilitéit bei den Autoen momentan e bësse méi wéi 1% aus.

Hëlt een d’Hybriden an d’Plug-In-Hybriden mat derbäi, léich ee bei eppes ënner 3%.

Allgemeng, sou de Fegarlux-President Phillipe Mersch, géif sech de Marché den Ament immens séier veränneren, ma, dat wier och eng Chance fir d'Garagisten an eng flott Erausfuerderung.

Invité vun der Redaktioun: Philippe Mersch


Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.