Wahlen an NiedersachsenSPD stäerkste Kraaft - CDU net wäit hannendrun

Bei de virgezunne Landtagswahlen an Niedersachsen gëtt d'SPD vum Ministerpresident Stefan Weil stäerkste Kraaft.

© afp

An Niedersachsen ass et eriwwer mat der rout-grénger Koalitioun. Si huet e Sonndeg bei de Landtagswahlen hir Majoritéit verluer. D'SPD koum op 55 Sëtz am Parlament, déi Gréng op 12. Zesummen hätte se domat 67 vun am ganzen 137 Sëtz. Fir eng absolut Majoritéit wiere 69 Mandater néideg gewiescht.

D'SPD huet d'Wahle kloer gewonnen, mat bal 37% vun de Stëmmen. Verloschter fir d'CDU, déi op 33,6% kënnt. Och déi Gréng hunn däitlech verluer a rutschen op 8,7% erof. D'FDP kënnt op 7,5%. D'AfD huet et op knapp 6% gepackt a kënnt domat an d'Landesparlament eran.

Rechneresch méiglech sinn eng grouss Koalitioun an eng Jamaika-Koalitioun aus CDU, deene Gréngen an der FDP. Och eng Ampelkoalitioun aus SPD, déi Gréng an FDP wier méiglech. Des Konstellatioun huet de Chef vun der FDP an Niedersachsen awer schonn ausgeschloss.