Saudiarabesch BlockadUNO warnt virun Hongersnout mat Milliounen Doudeger am Jemen

D'Stocke vun de Vereenten Natiounen fir Leit an Nout am Jemen gi just nach fir e puer Wochen duer. Am Dezember kéinten d'Leit net méi versuergt ginn.

Der UNO no riskéiert de Jemen déi gréissten Hongersnout, déi d'Welt zanter Joerzéngte gesinn huet.

Millioune Leit kéinte stierwen, wann d'Militärkoalitioun, déi ënnert dem Lead vu Saudi-Arabien operéiert, weider d'Häfen an d'Fluchhäfe blockéiert.