Däitschland6 jonk Syrier festgeholl, Attack op Chrëschtmaart zu Essen?

An Däitschland si bei grousse Razzie 6 presuméiert IS-Memberen an e puer Bundeslänner festgeholl ginn.

D'Persoune gi verdächtegt, eng Attack mat Waffen oder Sprengstoff op en ëffentlecht Zil an Däitschland preparéiert ze hunn, sot de Parquet vu Frankfurt. D'Pläng wären awer nach net ofgeschloss gewiescht.

D'Enquête viséiert 6 jonk Syrer tëscht 20 an 28 Joer. Si all sollen 2014 an 2015 als Demandeurs d'asile an Däitschland komm sinn.

Däitsch Medie wëllen awer wëssen, dass de Chrëschtmaart zu Essen am Viséier war. Aner Flüchtlingen hätten déi däitsch Police op d'Spuer vun de presuméierten Terroriste bruecht. Dës Zeien sollen gesot hunn, dass déi Verdächteg fir den islamesche Staat a Syrien un der Front aktiv waren.