PolenPartei PiS: Regierungschefin Szydlo gouf ofgesat

Wéi d'Partei matdeelt, soll de Finanzminister Morawiecki d'Spëtzt vun der Regierung a Polen iwwerhuelen.

© AFP
En Donneschdeg gouf et am Parlament zu Warschau e Mësstrauensvote géint d'Regierungschefin. Obwuel si dee Vote iwwerstanen huet, soll d'Ministerpresidentin der Partei hir Demissioun eragereecht hunn. D'Partei hätt dann decidéiert, datt de Finanzminister Mateusz Morawiecki de Posten un der Spëtzt vun der Regierung a Polen soll iwwerhuelen, esou eng Spriecherin en Donneschdeg den Owend zu Warschau.

Wéi polnesch Medie schonn e puer Woche gemellt hunn, géif sech e Wiessel un der Spëtzt vun der Regierung undeiten, well d'Regierungschefin Szydlo beim Parteichef Jaroslaw Kaczynski net méi genuch Réckhalt hätt.

D'Beata Szydlo wëll  no hirem Récktrëtt als polnesch Premierministesch an der Regierung bleiwen.  Hir Partei, déi nationalkonservativ PIS hat en Donneschdeg decidéiert d'Politikerin ofsetzen an duerch de Finanz- a Wirtschaftsminister Morawiecki z'ersetzen. Polnesch Medien ginn dovunner aus, d'Szydlo géif Vize-Premierminitesch ginn. Si hätt eng wichteg Roll an der neier Regierung ze spillen, heescht et vun der ofgesater Premierministech hirer Partei.