VIDEO: Serie Katalounien Serie iwwer Lëtzebuerger zu Barcelona

Matten an der Kris ëm d'Onofhängegkeet a Katalounien hunn en Donneschdeg d'Parlamentswahlen ugefaangen. De Petz Bartz ass fir eis op der Plaz.

Déi Lëtzebuerger Soziologin Eliane Bernard lieft elo am 11. Joer mat hirem katalanesche Mann an engem klenge Meedchen an engem Duerf just baussent der katalanescher Haaptstad Barcelona.

Si ass ëmmer Lëtzebuergerin bliwwen a geet deemno net wielen, si fillt sech awer zanterhier manner integréiert. Hire Frëndeskrees ass gedeelt op d'Fro vun der Onofhängegkeet. Eleng hir Meenung matzedeelen, kann zu Konfliktsituatioune féieren.

Am Interview mam Petz Bartz huet d'Eliane erzielt, wéi si déi lescht Zäit d’Entwécklungen a Katalonien erlieft huet.

Lëtzebuerger zu Barcelona: Eliane Bernard (21.12.2017)
Déi Lëtzebuerger Soziologin lieft zanter 11 Joer mat hirem katalanesche Mann an hirem Meedchen zu Barcelona.

Déi gebierteg Lëtzebuergerin Isabelle Costantini handelt mat Immobilien a lieft mat hirem Meedche vu 14 Joer zanter 18 Méint bei Barcelona, wou hir Duechter och an eng international Schoul geet.

D'Onofhängegkeetsbestriewunge vu ville Katalonier kennt si aus hirem Alldag an hirem Frëndes- a Bekanntekrees. Wat si begréisst ass, dass de Konflikt, och wann een a Katalonien permanent domat konfrontéiert ass, ni zu Gewalt gefouert hat, wéi zum Beispill an der Vergaangenheet am Baskeland.

Och si huet am Interview mam Petz Bartz iwwer hir Zäit a Katalounien an der Krisenzäit erzielt.

Lëtzebuerger zu Barcelona: Isabelle Costantini (21.12.2017)
Déi gebierteg Lëtzebuergerin lieft mat hirem Meedche vu 14 Joer zanter 18 Méint bei Barcelona.


Den Immobilienhändler Alain Resch huet eng spuenesch Mamm, vu Murcia am Süde vu Spuenien, an e lëtzebuergesche Papp. De Mann ass quasi a Spuenien opgewuess a lieft zanter iwwer 20 Joer zu Barcelona, duerfir kann hien och déi politesch Situatioun elo an der Konfliktkris méi nuancéiert aschätzen.

Am Verglach zum gréisstendeels kathoulesch-konservativen an autoritäre Spuenien, ass Katalonien progressistesch a liberal.

Lëtzebuerger zu Barcelona: Alain Resch (21.12.2017)
Den Immobilienhändler huet eng spuenesch Mamm, vu Murcia am Süde vu Spuenien, an e lëtzebuergesche Papp. Hi elieft zanter 20 Jore zu Barcelona.

D’Petz Scholtus lieft als Lëtzebuerger Ökodesignerin zanter iwwer 13 Joer zu Barcelona an huet mat enger Geschäftspartnerin – a mat vill Léift - en alt Gebei restauréiert a nohalteg Wunnengen dran ageriicht. Touristen a Geschäftsleit fannen an der yök – Casa y Cultura en zweet Doheem an der katalanescher Haaptstad. Déi jonk Entrepreneurin huet déi ganz Onofhängegkeetsdebatt an de Konflikt mat Madrid vu ganz no an hirem Alldag a Frëndeskreess matkritt.

Lëtzebuerger zu Barcelona: Petz Scholtus (23.12.2017)
D’Petz Scholtus lieft als Lëtzebuerger Ökodesignerin zanter iwwer 13 Joer zu Barcelona.

Si huet mat enger Geschäftspartnerin – a mat vill Léift - en alt Gebai restauréiert a nohalteg Wunnengen dran ageriicht. Touristen a Geschäftsleit fannen an der yök – Casa y Cultura en zweet Doheem an der katalanescher Haaptstad. Déi jonk Entrepreneurin huet déi ganz Onofhängegkeetsdebatt an de Konflikt mat Madrid vu ganz no an hirem Alldag a Frëndeskreess matkritt.



Serie Katalounien (1): An der schwéierster politescher Kris a Spuenien gëtt gewielt
Serie Katalounien (2): Um Donneschdeg gëtt gewielt, puer Parteicheffen am Prisong