Hefteg Bombardementer a Syrien7 Kanner stierwe bei Loftattacken

Bei enger Loftattack am Oste vu Syrien sinn op d'mannst 25 Zivilisten ëmkomm, esou heescht et vum syreschen Observatoire fir Mënscherechter.

D'Anti-IS-Koalitioun soll fir d'Attack responsabel sinn. Ënnert den Affer solle 7 Kanner sinn. 

Och zu Ost-Ghuta sollen um Méindeg de Moien nees op d'mannst 10 Zivilisten duerch Loftattacke gestuerwe sinn, dat trotz enger UNO-Resolutioun, déi eng 30 Deeg laang Waffepaus fuerdert.



De Lëtzebuerger Ausseminister Jean Asselborn seet sech iwwerdeems entsat iwwer Berichter vu chemeschen Attacken an der Regioun Ost-Gutha. Hei géing géint déi elementaarste Reegele vun der Mënschlechkeet verstouss ginn, hei wier een nees am déiwe Mëttelalter, seet de Lëtzebuerger Diplomatiechef um Bord vun der Ausseministerreunioun zu Bréissel.

VIDEO: Waffepaus a Syrien - Ausseruerdentlech Sëtzung vum UNO-Sécherheetsrot ouni Succès



 

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.