Spezialkommandoen am AsazRazzia géint Rechtsextremer an 3 Bundeslänner

Wéi de Parquet vu Karlsruhe matgedeelt huet, wieren d'Wunnengen vu 4 Beschëllegten an 3 Bundeslänner duerchsicht ginn.

Si stinn ënner Verdacht eng rechtsterroristesch Vereenegung gegrënnt ze hunn. Et wieren och Attentater op politesch Géigner consideréiert ginn, heescht et vum Parquet.
Déi Beschëllegt sollen am Gaange gewiescht si Waffen a Munitioun ze sammelen, grad wéi Materialie fir Bommen ze bastelen. Si solle sech Ufank 2017 ënnert dem Numm "Nordadler" zu enger rechtsterroristescher Vereenegung zesummegeschloss hunn.

D'Razziae waren an Niedersachsen, Schleswig-Holstein a Bremen.