Situatioun an der GazasträifArabesch Liga kënnt um Donneschdeg beieneen

Déi déidlech Onrouen un der Grenz tëscht Israel an der Gazasträif beschäftegen di Arabesch Liga, déi fir eng Spezialsëtzung zu Kairo beienee kënnt.

D'Ausseminister vun de Memberlänner sollen, op Demande vu Saudi-Arabien, eng Reaktioun op dee wéi et heescht "illegalen Transfert" vun der amerikanescher Ambassade op Jerusalem an di "israelesch Aggressioun géintiwwer dem palestinensesche Vollek", ausschaffen.

D'Inauguratioun vun der US Ambassade hat e Méindeg zu bluddegen Affrontementer tëscht Palestinenser an der israelescher Arméi gefouert. Dosende vun Demonstrante koumen ëm d'Liewen, 2.500 Mënsche goufe blesséiert.