Demokratesch Republik KongoEbola breet sech weider aus, WHO beréit sech

Ass d'Situatioun am Kongo eng international Urgence? Iwwert déi Fro beréit sech d'Weltgesondheetsorganisatioun um Freideg.

© AFP
D’Weltgesondheetsorganisatioun entscheed haut, ob si dee neisten Ausbroch vun enger Ebola-Epidemie an der demokratescher Republik vum Kongo als international Urgence astuuft oder net.

An der Millioune-Stad Mbandaka am Nordweste vun der Demokratescher Republik Kongo ass ee Fall vun Ebola gemellt ginn. Et wier eng Situatioun, déi eis vill Suerge mécht, sot d’Weltgesondheetsorganisatioun, déi de Fall confirméiert huet.

23 Doudeger si schonn aus de leschte Wochen am Kongo ze mellen. 44 Fäll gi momentan behandelt. Alles Krankheets-Fäll awer aus ländleche Regiounen, wou net vill Leit beienee wunnen.

D’Weltgesondheetsorganisatioun huet scho reagéiert an 7.500 Impfunge preparéiert, déi an der Testphase sinn, fir déi op Kinshasa ze schécken. 4.000 Dose wiere schonn ukomm. Tëscht 2013 an 2016 si wéinst dem Virus 11.300 Leit ëm d’Liewe komm.