DresdenFligerbomm war deels explodéiert, ass elo awer entschäerft

Zu Dresden ass eng Fligerbomm, déi entschäerft sollt ginn, e Mëttwoch den Owend deels detonéiert. En Donneschdeg konnt se entschäerft ginn.

Aenzeien no hätt et haart geknuppt, ier eng Dampwollek ze gesi war. Duerno huet et op der Plaz ugefaange mat brennen.

D'Autoritéiten hunn d'Leit opgeruff ewechzebleiwen, sou laang d'Bomm net ofgekillt ass. Réischt duerno kéint de Sprengmeeschter nämlech kucken, ob et nach eng Gefor gëtt oder net.

Mat engem Läsch-Roboter gouf probéiert d'Bomm ze killen. Iwwer Helikopter an Dronen hu si den Asaz koordinéiert.




Laang Zäit war d'Bomm nach ze waarm, esou dass keen Expert d'Bomm entschäerfe konnt.

Du géint 16.00 Auer koum awer Entwarnung vun der Police, déi bekannt ginn hunn, dass d'Bomm entschäerft wier.

E puer dausend Leit hunn d'Nuecht op en Donneschdeg dowéinst missen eng zweet Nuecht éierens aneres schlofen. Och den Trafic op der Strooss, der Bunn an um Fluchhafe war gestéiert.