Nächsten HollywoodstarMorgan Freeman soll 8 Frae sexuell belästegt hunn

Den Hollywoodstar Morgan Freeman soll op d'mannst 8 Frae sexuell belästegt hunn, dat bericht "CNN".

© afp
Am Summer 2015 soll hien de Rack vun enger Fra an d'Luucht gehuewen hunn a gefrot hunn, ob si Ënnerwäsch un hätt. D'Fra huet géigeniwwer der Press gesot, dass de Schauspiller si méintlaang belästegt hätt.

An engem Fall aus dem Joer 2013 soll hien um Set vum Film "Die Unfassbaren" géigeniwwer vun zwou Fraen deplacéiert Kommentare geäussert hunn. Dës hu sech doropshin ugegraff gefillt an hu sech net méi wuelgefillt.

Am Ganze ginn et 8 Fraen, déi dem Morgan Freeman esou Virwërf maachen. Den 80 Joer ale Schauspiller huet sech zu de Virwërf nach net geäussert.

Iwwerdeems mellt ënnert anerem d'Zeitung "New York Times", datt sech den Harvey Weinstein um Freideg den Autoritéite stelle wäert, 7 Méint nodeems d'Reprochë géint hien déi ganz Metoo-Debatt sou richteg un d'rulle bruecht hunn.

De Parquet vu Manhattan géif de Produzent deen Ament ukloen. Géint déi fréier Hollywood-Gréisst gouf  méintelaang enquêtéiert. Méi wéi 100 Fraen reprochéieren dem Harvey Weinstein, si belästeg a mëssbraucht ze hunn.

Harvey Weinstein