E Samschdeg op d'Kopp gaangCamion mat Chemikalien op der A60 bei Prüm gebuergen

E Samschdeg war bei der A60-Opfaart bei Prüm e Camion um Daach gelant. Déi geféierlech Charge huet missen ofkillen, ier d'Gefier konnt gebuerge ginn.

© Input Presse

An enger Rietskéier hat de Camionschauffer d'Kontroll verluer an ass lénks an de Gruef geroden. D'Gefier huet sech doropshin iwwerschloen an ass um Daach leie bliwwen. De Chauffer gouf liicht verwonnt a koum an d'Spidol.

© Input Presse


De Camion hat déi geféierlech Chemikalie Phenol gelueden, eng Substanz, déi ënner anerem an der Plastik-Produktioun genotzt gëtt. E puer Pompjees-Ekippen aus der Regioun a Spezialisten goufen op d'Plaz geruff an hunn d'Gefier deeglaang iwwerwaacht, bis d'Flëssegkeet genuch ofgekillt war a sech verfestegt hat, sou dass den Tank konnt gebuerge ginn.



En Dënschdeg, no 12 Stonnen konnt d'Gefier deemno komplett gebuerge ginn. 110 Leit, dorënner  Pompjeeën, Mataarbechter aus verschidde Verwaltungen a Leit vu spezielle Biergungsfirmaen waren tëscht 8 bis 20 Auer am Asaz. D'A60 tëscht Bleialf a Waxweiler war an där Zäit komplett fir den Trafic gespaart.