Ronaldo-WiesselAnnoncéierte Streik bei Fiat-Chrysler war e Flop

Beim Fiat-Chrysler-Konzern gouf gestreikt. Ausléiser war de Milliounen-Transfert vum Fussballstar Cristiano Ronaldo bei Juventus Turin.

© AFP

Den annoncéierte Proteststreik bei Fiat-Chrysler an Italien géint de Wiessel vum Christiano Ronaldo bei Juventus Turin war en "eklatante Flop", dat mellt op mannst den Autokonstrukteur selwer. Et hätten nëmme 5 vu ronn 1700 Mataarbechter hir Aarbecht néiergeluecht, fir dergéint ze protestéieren, datt d'Juve 112 Milliounen Euro fir de Stiermerstar bezillt. Dat entsprécht eng Participatioun beim Streik vun 0,3 Prozent.

Fiat-Chrysler huet säin Haaptsëtz zu Turin, mä gehéiert grad wéi Juventus zu engem groussen Deel der Industriellefamill Agnelli. D'Gewerkschaft fuerdert de Proprietär op, d'Suen an Dausend Leit amplaz just an een eenzegen ze investéieren.

De Ronaldo wiesselt fir déi nei Saison vu Real Madrid bei den italieneschen Rekordchampion. Hie soll all Joer ronn 30 Milliounen Euro kréien.