Kee gudden UfankSommet tëscht dem Vladimir Putin an dem Donald Trump

De Sommet tëscht dem Vladimir Putin an dem Donald Trump steet ënnert kengem gudde Stär.

© afp

De Spezial-Enquêteur Robert Mueller huet nämlech 12 Membere vum russesche Geheimdéngscht ugeklot a reprochéiert hinnen, während der amerikanescher Walcampagne, Computere vun den US-Demokraten an dem Lager vun der Hillary Clinton gehackt ze hunn an E-Mailen an aner Dokumenter geklaut ze hunn.

De Kreml huet direkt op d'Annonce reagéiert an alles dementéiert. Hei wiere Leit um Wierk, déi ee Méi-no-komme vu Russland an den USA wéilte verhënneren, huet den aussepolitesche Beroder vum President Putin gemengt. Och aus dem wäissen Haus komme weider verséinlech Téin. De Sommet wäert wéi geplangt e Méindeg zu Helsinki a Finnland sinn, huet d'Spriecherin vum Trump betount.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.