VIDEO - 14 juilletTraditionell Militärparad op de Champs Elysées ... mat Ausrëtscher

Éieregäscht um 14. Juli an der franséischer Haaptstad waren dëst Joer Japan a Singapur.

14 juillet: Groussen Defilé zu Paräis (14.07.2018)
Andréck vum "Dag vun der Bastille".
Deen Dag, wou d'Bastille gestiermt gouf, de 14. Juli 1789, wor ee Schlësseldatum vun der Franséischer Revolutioun. D'lescht Joer wor den Donald Trump den Éieregaascht, dest Joer hat de President Emmanuel Macron Japan a Singapur agelueden, mä de japanesche Premier Shinzo Abe huet säin Ausseminister Taro Kono geschéckt, well en duerch déi déidlech Iwwerschwemmunge rezent a Japan d'Land net wollt verloossen.

Iwwer zwou Stonnen hat d'Parad gedauert. 4.200 Zaldoten an 220 Gefierer ware mat dobäi an iwwer 100 Fliger.

Mä bei den Alpha Jets vun der Patrouille de France gouf sech direkt emol deen éischten Ausrëtscher geleescht, well op der lénkser Bande eng Kartusch rouden amplaz bloen Damp dra war.

An d'Gendarmerie Nationale hat Problemer, fir mat zwee Motoen laanschteneen ze kommen ... an duerno nach méi fir dat Geschir erëm opzehiewen.

E Freideg hat de President Macron e Gesetz ënnerschriwwen, fir de Militärbudget vum Land unzehiewen, fir a 7 Joer op 2% vum PIB ze kommen.

Fir den houfregen Emmanuel Macron war et deen zweete 14 juillet a sengem Mandat als President.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.