USADem Melania Trump seng Eltere sinn elo US-Staatsbierger

D'Schwéiereltere vum Donald Trump profitéiere vu grad deem Awanderungsgesetz, dat den US-President schaarf kritiséiert.

© MANDEL NGAN / AFP

Vun elo un sinn dem Melania Trump seng Elteren, déi aus Slowenien kommen, offiziell US-Staatsbierger. Ironescherweis hunn de Viktor an d'Amalija Knavs grad vun deem Programm profitéiert, deen esou schaarf vum US-President Donald Trump kritiséiert gëtt.

En Donneschdeg hätten d'Eltere vum Melania hiren Eed zu New York ofgeluecht, esou den Affekot vun der Koppel. Hie betount, dass dës Abiergerung e Grondpilier vun der sougenannter "Ketten-Awanderung" an den USA ass.

De President Trump vertrëtt jo an der Awanderungspolitik eng éischter konservativ Haltung: Fir hie misst sech de Programm op de Partner a mannerjäreg Kanner begrenzen. Him no géife soss Aarbechtsplazen an déi national Sécherheet um Spill stoen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.