Monsanto250 Milliounen Euro Schuedenersatz fir fréiere Gäertner

De Mann huet onheelbare Lymphdrüsekriibs a reprochéiert dem Agrarkonzern, net genuch virum Kriibsrisiko vu Roundup ze warnen. Monsanto wëll an Appell goen.

Et ass ee Coup géint den amerikaneschen Agrarkonzern Monsanto, dee jo elo zu der Bayer AG gehéiert. En amerikanescht Geriicht zu San Francisco huet an der Nuecht op e Samschdeg decidéiert, datt d'Entreprise engem fréiere Gäertner e Schuedenersatz vun 285 Milliounen Dollar - ëmgerechent ronn 250 Milliounen Euro - muss bezuelen.

Den Dewayne Johnson hat geklot, well hien onheelbar u Lymphdrüsekriibs erkrankt ass. A sengen Ae wier seng Krankheet op den Ëmgang mam Total-Herbizid Roundup zeréckzeféieren. An de Mann krut Recht. D'Geriicht huet erkläert, datt Monsanto seng Clientë virun de Kriibsrisiken, déi vum Herbizid Roundup ausgoungen, net genuch gewarnt hätt.

Hien hat geklot: Den Dewayne Johnson


Elo wëll déi amerikanesch Agrarentreprise an Appell goen. An engem Communiqué huet de Konzern betount, datt de Glyphosat, deen am Roundup dran ass, kee Kriibs ausléist an deemno och net fir d'Krankheet vum Mann responsabel ass.

Op 5minutes.lu: Procès Roundup - le glyphosate, toujours défendu par son propriétaire.



Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.