FOTOEN: Nom Brand zu SaarburgGebai vun der Verbandsgemeinde stoung a Flamen

Aus bis ewell ongekläerte Grënn war e Sonndeg den Owend am Gebai e Feier ausgebrach. E Méindeg de Moie war dëst geläscht, de Schued ass grouss.

© RTL Mobile Reporter
E Sonndeg den Owend war e gréissert Feier am Gebai vun der Verbandsgemeinde zu Saarburg ausgebrach. Géint 18.45 Auer hate Passanten eng Dampentwécklung am Gebai den Autoritéite gemellt. Wéi d'Pompjeeën op d'Plaz komm sinn, stoung den Daach komplett a Flamen.

D'Dampwollek vum Feier war Kilometerwäit ze gesinn. E Sonndeg am spéiden Owend konnt d'Feier du geläscht ginn.

Zur Zäit vum Brand ware keng Leit am Gebai, sou datt kengem Mënsch eppes geschitt ass. Am Asaz waren iwwer 150 Pompjeeën.

Wéi héich de Schued um Gebai ass, kann nach net gesot ginn. Deeler vum Daach sinn awer an de Koup gefall.




Op Biller war ze gesinn, wéi héich Flamen aus dem Dag erauskomm sinn. D'Autoritéiten zu Tréier mellen, dass d'Leit, déi an der Géigend wunnen, d'Dieren an d'Fënsteren sollen zou halen. Lëftung a Klimaanlagen sollen ausgemaach ginn.