Spektakulär Opname vu LyonAuto mat Lëtzebuerger Placke fiert op Pist vu Fluchhafen

De Chauffer gouf festgeholl, et ass rieds vu psychesche Problemer.

Gréisser Opreegung e Méindegt um Fluchhafe vu Lyon, wéi op eemol en Auto iwwert d'Pist gefuer ass. Do virdrun hat et eng wëll Poursuite tëscht dem Chauffeur vum Gefier an der Police ginn.

Den Auto mat Lëtzebuerger Placke war moies op enger Tankstell zu Dijon geklaut ginn.

Wéi RTL 5'minutes schreift, hätt de Mann de Chauffeur geschloen a sech du mam Gefier ewech gemaach. Fir d'éischt war hien als Geeschterfuerer op der Autobunn tëscht Lyon a Chambéry ënnerwee, éier hien dunn um Fluchhafen zu Lyon duerch zwou gliese Paarte gerannt ass an dunn iwwert d'Pist gefuer ass.

Weider Informatiounen an eisem Artikel op 5minutes.lu.

D'Police konnt de Mann stoppen a festhuelen. D'Hannergrënn vun der Dot si bis ewell net bekannt. Och iwwert de Profil vum Mann ass näischt gewosst, ausser dass hien als psychesch labil bekannt war. De Parquet vu Lyon huet eng Enquête an d'Wee geleet.