Méiglech Groussoffensive op IdlibUNO-Generalsekretär warnt virun humanitärem Albdram

Hien huet d'Tierkei, Russland an den Iran opgeruff, eng Léisung ze fannen, fir d'Zivilisten zu Idlib ze protegéieren.

© AFP
Den UNO-Generalsekretär Antonio Guterres huet virun engem humanitären Albdram gewarnt, soll et zu enger Groussoffensive op déi syresch Provënz Idlib kommen. De leschte Freideg haten déi dräi Länner wärend Berodungen zu Teheran keng Eenegung fonnt, fir eng Groussoffensive op déi syresch Provënz ze verhënneren. Et handelt sech hei ëm déi lescht Héichbuerg vun den islamistesche Rebellen. Am Fall vun enger Offensive vun der syrescher Arméi gëtt mat bluddegen Affrontementer an honnertdausende vu Flüchtlinge gerechent.