Schwéngspescht ante portasLëtzebuerger Autoritéite si preparéiert, 1. Mesurë gi geholl

Fir Schwéngsziichter ass et eng beonrouegend Nouvelle. Net wäit ewech vun der Lëtzebuerger Grenz, zu Etalle, gouf déi afrikanesch Schwéngspescht nogewisen.

An der Belsch ginn et zwee Fäll vun der afrikanescher Schwéngspescht, géint déi et kee Vaccin gëtt. Viru Kuerzem sinn zwee Wëllschwäi fonnt ginn, an engem Bësch bei Etalle an der Province de Luxembourg, déi mam Virus infizéiert waren. D'Ziichter an der Géigend krute gesot, d'Schwäin am Stall ze loossen. D'Juegd op d'Wëllschwäin ass an der Géigend verbuede ginn. Europawäit goufe schonn 1.000 Hausschwäi mam Virus infizéiert an op d'mannst 4.000 Wëllschwäin.

Déi afrikanesch Schwéngspescht (14.09.2018)
Fir Schwéngsziichter dierft et eng beonrouegend Nouvelle sinn. Net wäit ewech vun der Lëtzebuerger Grenz gouf déi afrikanesch Schwéngspescht nogewisen.


Lëtzebuerg huet séier reagéiert a war och preparéiert, wéi den zoustännege Minister Fernand Etgen e Freideg de Moien op RTL sot.

1. Reaktioun: De Fernand Etgen um Freideg de Moien



E Freideg am Nomëtteg war eng Pressekonferenz, op där iwwert d'Mesuren an d'Recommandatiounen informéiert gouf.

POWERPOINT: Presentatioun vun der Pressekonferenz.

Fir de Mënsch besteet keng Gefor, huet de Landwirtschaftsminister Fernand Etgen do erkläert: "Et besteet awer e ganz grousse Risk fir eis Baueren, déi Hausschwäin hunn a fir de Veraarbechtungssecteur an natierlech och fir eis Wëllschwäi-Populatioun. Mir hunn hei zu Lëtzebuerg nach 100 Schwéngsbetriber mat engem Bestand vun am Ganzen 92.300 Schwäin. D'afrikanesch Schwéngspescht ass déi Tierseuche, déi eis den Ament an Europa virun déi gréisste Problemer stellt. De Virus breet sech iwwer 3 Weeër aus: éischtens iwwer de Kontakt vu Schwäin zu Schwäin, zweetens iwwer de Wee vu kontaminéiertem Material an drëttens och iwwer Fleesch- an Iessensreschter, wou de Virus dran ass, an déi vun Leit fortgeworf ginn sinn."

Schwéngspescht: De Fernand Etgen



Bio-Securitéit ass d'Stéchwuert, dofir géingen all déi néideg Mesurë geholl am Beräich Transport, Schluechthaiser, Juegd, ma natierlech och am Stall, fir dass de Virus net op d'Hausschwäin iwwergeet.

De Felix Wildschütz vun der Veterinärsinspektioun: "Wa mir de Virus bis an engem Schwéngsbetrib feststellen, da mussen mir de ganze Bestand liquidéieren, also doutgemaach ginn, well mir d'Déiere weder kënnen impfen nach traitéieren. Dat heescht, mir ginn de Bauere mat op de Wee, dass si hir Betriber musse schützen. Engersäits mol géint sougenannten animaux nuisibles, wat Mais, Raten an anert Gedéiesch ass, wat den Virus indirekt kann an de Betrib eraschleefen. An natierlech d'Ofschiermung géintiwwer de Wëllschwäin. Wat och wichteg ass, dass an engem Schwéngsbetrib sou mann wéi méiglech Leit sollen zirkuléieren. Dann ass et natierlech och wichteg, dass de Bauer weess, wou déi Schwäin, déi en eranhëlt, hierkommen, an de Bauer muss natierlech säin eegene Bestand iwwerwaachen a bei den éischten Zeechen, wou hie gesäit, säin Veterinär kontaktéiert."

Schwéngspescht: De Felix Wildschütz



Am Fall wou d'afrikanesch Schwéngspescht wierklech an engem Betrib géing opdauchen, géingen d'Baueren och zu 100% entschiedegt ginn, sou de Landwirtschaftsminister Fernand Etgen. Besonnesch Vigilance gëllt den Ament awer virun allem bei de Wëllschwäin. Dofir och den Appell un d'Leit: Wa se e Kadaver am Bësch fannen, sech bei der Natur- a Forstverwaltung ze mellen.

Hotline: 40 22 01 666

© Annick Goerens

En Donneschdeg den Owend no der Confirmatioun vun der afrikanescher Schwéngspescht an der Wallonie hat schonn de franséische Landwirtschaftsminister reagéiert a gefuerdert, datt den Aktiounsplang géint de Virus lancéiert gëtt. Dee gesäit ënnert anerem vir, datt a 4 franséischen Departementer Mesurë wéi zum Beispill d'Limitéiere vun der Juegd en place gesat ginn. Jeeër, déi dout Déiere fannen, mussen déi och den Autoritéiten gi fir Tester. De Minister huet och nach emol drun erënnert, datt eng Persoun just op ee Bauerenhaff duerf goen, wann den Ziichter domadder d'Accord ass, an Hygiènesmesure respektéiert ginn.



D'Baueren dierfe kee Schued hunn!

Nodeems déi afrikanesch Schwéngschpescht an der Géigend vun Etalle an der belscher Province de Luxembourg opgetrueden ass, mécht sech d'Bauerenzentral seriö Gedanke wéinst de Lëtzebuerger Schwéngsproduzenten an der ganzer Landwirtschaft. Et missten all d'Mesurë geholl ginn, fir ze verhënneren, datt sech d'Krankheet ausbreet, an déi ëffentlech Hand misst déi néideg finanziell Moyenen an de Grapp huelen.

Doriwwer eraus trëtt d'Centrale paysanne derfir an, datt d'Wëllschwäin baussent de Spärzonen intensiv geschoss ginn. Och misst een zu dësem Ament d'Juegdverbuet op de Fuuss ophiewen.


Schreiwes vun der Centrale Paysanne Luxembourgeoise

Afrikanische Schweinepest: Landwirtschaft schadensfrei halten!

Das Auftreten der Afrikanischen Schweinepest in der Gegend von Etalle in Belgien, in unmittelbarer Nähe der Luxemburger Grenze, ist im höchsten Maß alarmierend für die Luxemburger Schweineproduzenten, darüber hinaus insgesamt für die Luxemburger Landwirtschaft. Alle Maßnahmen, um einer weiteren Verbreitung dieser Seuche entgegen zu wirken, sind umgehend in die Wege zu leiten, auch grenzüberschreitend.

Das Auftreten der Afrikanischen Schweinepest riskiert unweigerlich schwerstwiegende Folgen für die Schweinehalter haben, Folgen, die derzeit noch nicht in ihrem vollen Maß abzumessen sind, die jedoch gegebenenfalls zu einem Zusammenbruch der Märkte führen können und den Fortbestand der Schweinebetriebe hierzulande hypothekieren.

Die wirtschaftliche Situation in den Schweinehaltungsbetrieben ist bereits extrem angespannt; sie können keine weiteren Mehrkosten und Einkommensverluste tragen.

Die Bauernzentrale fordert deshalb mit Nachdruck, dass die hiesigen Schweinehalter absolut schadensfrei gehalten werden. Die öffentliche Hand muss die dafür notwendigen Mittel bereitstellen.

Darüber hinaus fordert die Bauernzentral eine umgehende Intensivierung der Bejagung der Wildschweine außerhalb der eingerichteten Sperrzonen – die Wildschweinebestände ebenso wie die Fuchsbestände müssen drastisch reduziert werden. In dem Sinn und mit Blick auf eine effiziente Seuchenbekämpfung ist auch die Aufhebung des Fuchsjagdverbotes geboten.

Die Bauernzentrale wird die Lage genauesten verfolgen und fordert nochmals die hiesige Regierung auf, alles Notwendige und Mögliche zu tun, um einer Ausbreitung der Afrikanischen Schweinepest entgegen zu wirken und den Fortbestand der hiesigen Schweinehaltung zu gewährleisten.

Centrale Paysanne Luxembourgeoise


Communiqué vum Lëtzebuerger Landwirtschaftsministère
Détection de la peste porcine africaine sur des sangliers en Belgique

Communiqué par: ministère de l'Agriculture, de la Viticulture et de la Protection des consommateurs / Administration des services vétérinaires

Suite à la détection du virus de la peste porcine africaine (PPA) sur des sangliers en Belgique plus précisément dans la commune d'Étalle en province du Luxembourg, la contamination de notre population de sangliers voire du cheptel porcin national ne peut être exclue.

Le virus de la PPA affecte les sangliers et les porcs domestiques mais ne présente aucun risque pour l'homme même en cas de consommation de viande ou de produits de viande contaminés.

Le virus se propage de façon directe par contact entre les animaux ainsi que de façon indirecte via des déchets alimentaires contenant de la viande de porc. Par conséquent ces derniers doivent être éliminés de façon à ce que tout contact avec un sanglier ou un porc soit évité.

Il n'existe actuellement aucun vaccin contre cette maladie et ainsi il est demandé à tous les acteurs concernés d'exercer la vigilance et la surveillance afin de réduire au maximum une extension de la maladie dans la population de sangliers ainsi que le risque d'une introduction du virus dans le cheptel porcin ce qui aurait des conséquences économiques importantes pour le secteur.

Dans ce contexte, une task force nationale, présidée par le ministre de l'Agriculture, de la Viticulture et de la Protection des consommateurs, Fernand Etgen, a d'ailleurs déjà été mise en place en février 2018 afin d'élaborer des mesures de prévention en concertation avec tous les acteurs concernés. Cette task force reste active et assure l'implémentation des mesures à prendre.
En outre, un réseau de vigilance sanitaire est en place et en cas de découverte d'un cadavre de sanglier sans cause de mort évidente veuillez contacter le No 40 22 01-666 (Administration de la nature et des forêts).

La situation est prise très au sérieux par les autorités nationales qui par ailleurs sont en contact permanent avec les autorités compétentes en Belgique et en France afin de coordonner les actions pour empêcher une éventuelle propagation du virus.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.