Maaßen gëtt StaatssekretärSPD schwätzt vun engem Desaster

De President vum Verfassungsschutz wiesselt an den Inneministère a gëtt do Staatssekretär. Dat fënnt d'SPD alles anescht ewéi gutt.

De President vum däitsche Verfassungsschutz Hans-Georg Maaßen hat iwwert d'Gewalt zu Chemnitz gemengt, dass do keng reegelrecht Juegd op Auslänner gemaach gouf.

Dat hat fir Sträit an der grousser Koalitioun gesuergt. D'SPD wollt seng Demissioun, d'CSU hat sech awer fir de Maaßen staark gemaach.

En Dënschdeg sollt tranchéiert ginn an d'Bundesregierung huet dann och decidéiert: De 55 Joer ale Maaßen gëtt elo Staatssekretär am Inneministère, Inneminister ass jo den Horst Seehofer vun der CSU.

Kritik vun der SPD
D'Promotioun vum Hans-Georg Maaßen als neie Staatssekretär vum däitschen Inneminister Horst Seehofer, stéisst bei der SPD op massiv Kritik. De Vizepresident vun der Partei, Ralf Stegner huet dëse Wiessel vum Chef vum Verfassungsschutz an d'Regierung als Desaster bezeechent. Der däitscher Noriichtenagence dpa géintiwwer sot hien, dass d'Gedold mat dëser grousser Koalitioun an der SPD ëmmer weider géif ofhuelen. D'CDU-Generalsekretärin Annegret Kramp-Karrenbauer huet dogéint betount, dass d'Decisioun am Accord mat der SPD geholl gi wier.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.