Landtagswalen a BayernCSU kënnt an Ëmfroe just nach op 34%

E Sonndeg gëtt net nëmme bei eis zu Lëtzebuerg gewielt, mä et sinn och Landtagswahlen a Bayern.

© AFP
Mat grousse Walkampfoptrëtter vun CSU an SPD geet d'Walcampagne sou lues op en Enn. Leschten Ëmfroen no musse béid Parteie mat schwéiere Verloschter rechnen. Wärend bei der CSU de Verloscht vun der absoluter Majoritéit sou gutt wéi net méi ze evitéieren ass, geet et bei béide Parteien am Fong nach just ëm d'Héicht vun de Verloschter.

An den Ëmfroe koum d'CSU fir d'lescht op ronn 34%. Zweetstäerkste Kraaft géifen déi Gréng mat 19% bleiwen, hannendru kommen onverännert d'SPD mat 12% an d'AfD mat 10%. D'FDP kéim op 5,5%.

E puer Deeg virun de Wahlen ass den CSU-Ministerpresident Markus Söder op en Neits op Distanz zu de Grénge gaangen.
Mam Programm vun deene Grénge wier keng Koalitioun ze maachen, eng Zesummenaarbecht kéint hie sech kaum virstellen, esou de Söder.

Fir den CSU-Politiker ass et iwwregens keen Debakel, wann hie just 34% géing kréien bei de Landtagswahlen e Sonndeg.
En Debakel wier sou eppes ewéi 12% fir eng SPD.