Succès fouD'Vente vu Marihuana a Kanada boomt

Nodeems des Woch de Cannabis legaliséiert gouf, huet d'Nofro plazeweis zu Enkpäss gefouert. A verschiddene Provënzen sinn d'Reserve schonn opgebraucht.

D'Cannabis-Portal vun der kanadescher Regierung huet d'Cliente virdru gewarnt, dass et bis zu 5 Deeg kann daueren, bis d'Reserven nees opgefëllt sinn.



Viru ville Marihuana-Geschäfter hate sech um zweeten Dag no der Legaliséierung laang Schlaange forméiert. Kanada hat e Mëttwoch als weltwäit zweet Land no Uruguay de Verkaf vu Cannabis komplett legaliséiert.