12 DoudegerFréiere Marinezaldot fir d'Dot zu Thousand Oaks responsabel

An enger Bar am US-Bundesstaat Kalifornien koum et zu enger bluddeger Schéisserei. E Mann huet do op Schüler geschoss, déi eng Party gefeiert hunn.

Den Täter vun Thousand Oaks, deen en Donneschdeg an engem Bistro 12 Mënschen erschoss an eng sëlleche blesséiert hat, ass identifizéiert. Et handelt sech ëm ee fréieren Marinezaldot. Hie war 28 Joer al.

D'Police huet de Mann ënnert den Doudesaffer fonnt. Si geet dovun aus, dass hie sech selwer erschoss huet. Iwwert d'Motiv vun der Dot ass nach näischt gewosst.

Zu Thousand Oaks, an der Géigend vu Malibu, hat de Mann en Donneschdeg an engem Bistro op Clienten geschoss. Hei war grad eng Studente-Party am Gaangen. Ronn 200 Leit hate sech zum Zäitpunkt vun der Schéisserei am Etablissement opgehalen. Verschidde Medien mellen de fréieren Zaldot hätt psychesch Problemer gehat.



Et war ongeféier 23.11 Auer e Mëttwoch den Owend Lokalzäit, wéi den onbekannte Mann an d'Gebai an der Stad Thousand Oaks mat enger Waff eragelaf ass an op d'Leit geschoss huet.

Am Ufank hat et geheescht, de presuméierten Täter hätt sech ewech gemaach an eng Sichaktioun vun der Police wier lancéiert ginn. Spéider koum den Detail, dass och hien ënnert den Doudesaffer ass.

Am Bistro war grad eng Party vu College-Schüler.

© AFP