Net Dezember, mä AbrëllChantier a Stau op der E411 bleiwe méi laang, wéi geplangt

U sech sollt de Chantier direkt hannert der Lëtzebuerger Grenz Enn dës Joers fäerdeg sinn. Elo ass awer en neien Datum bekannt: Abrëll 2019.

Chantier a Stau op der E411 bleiwe méi laang, wéi geplangt (08.11.2018)
U sech sollt de Chantier direkt hannert der Lëtzebuerger Grenz Enn dës Joers fäerdeg sinn. Elo ass awer en neien Datum bekannt: Abrëll 2019.
Op enger Längt vu ronn 12 Kilometer lafen tëscht Arel a Lëtzebuerg gréisser Aarbechten. Mëtt September huet ee mam Chantier ugefaangen, deen och vill Repercussiounen op d'Stroossen am Grand-Duché huet, dat esouwuel op d'A6, wéi och op d'Alternativen.

U sech war geplangt, datt de Chantier tëscht Sterpenech an Arel Enn vun dësem Joer fäerdeg sinn, ma um Donneschdeg de Mëtteg koum déi Confirmatioun, déi vill Pendler gefaart hunn: Et muss méi laang un der Streck geschafft ginn, esou datt een eréischt am Abrëll 2019 wäert fäerdeg ginn.


Vu Mëtt Dezember u soll awer Direktioun Bréissel nees eng Vitess vun 120 erlaabt sinn. Richtung Lëtzebuerg sollen zwou Spuere mat reduzéierter Vitess disponibel sinn.

All d'Detailer zum Sujet fannt dir bei eise Kollege vu 5minutes.lu.


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.