Bëschbränn a KalifornienSchonn 83 Doudeger an ëmmer nach iwwer 500 Leit vermësst

D'Zuel vun den Doudesaffer no de schlëmme Bëschbränn a Kalifornien ass weider am Gaangen ze klammen.

Op d'mannst 83 Mënsche wieren duerch dat sougenannt "Camp Fire" ëm d'Liewe komm, huet de Sheriff vum betraffene Bezierk bekannt ginn. Zwou weider Läiche goufe gëscht gebuergen. D'Pompjeeë si weiderhin an der Stad Paradise, déi quasi komplett ofgebrannt ass am Asaz fir no deene Vermëssten ze sichen. Deenen hir Zuel läit nach ëmmer bei iwwer 500.