USAStaatsakt zu Éiere vum fréiere President George Bush

Bei der Trauerzeremonie an der Kathedral zu Washington waren nieft dem amerikanesche President Trump Dosende vu Staatscheffen aus der ganzer Welt dobäi.

Säi Bouf George W. Bush huet dobäi eng laang an ergräifend Laudatio gehalen.



De fréiere President war de leschte Freideg am Alter vu 94 Joer gestuerwen. Seng stierflech Iwwerreschter goufen op Washington bruecht a sinn zanter e Méindeg am Kapitol, dem Sëtz vum Kongress opgeboert.

No der Zeremonie gëtt d'Lued mam George Bush zeréck op Houston bruecht. Seng lescht Rou fënnt hien um Kierfecht vun der Stad College Station, wou d’Presidente-Bibliothéik no him benannt ass. Do gëtt hien un der Säit vu senger Fra Barbara begruewen. Si war am Abrëll gestuerwen.