Charlie Hebdo14 Männer ugeklot; Prozess wuel 2020

Viru 4 Joer war déi terroristesch Attack op déi franséisch Satirezeitung "Charlie Hebdo", bei där 12 Leit ëm d'Liewe komm sinn, 11 goufen der verwonnt.

© AFP (Archiv)

14 Männer sinn ewell ugeklot. Si solle béide Attentäter logistesch ënnerstëtzt hunn. 11 sëtze schonn an Untersuchungshaft, déi aner 3 ginn nach gesicht.

Am Januar 2015 haten zwee islamistesch Bridder d'Redaktioun vun "Charlie Hebdo" iwwerfall an 12 Mënschen ëmbruecht. Een aneren Djihadist hat ee jüddesche Supermarché iwwerfall a 5 Mënschen ëmbruecht. Och hie soll vun de Verdächtege gehollef kritt hunn.

Allen 3 Attentäter ware vun der Police erschoss ginn.

Déi ugeklote Männer musse sech vun engem spezielle Geriicht veräntweren. E genauen Datum gouf nach net genannt, ma et wäert wuel d'nächst Joer de Fall sinn.