FrankräichChef-Strateg vum Macron wëll Buch verëffentlechen a verléisst den Elysée

Fir d'2. Kéier bannent just e puer Wochen huet de franséische President Macron schonn nees e wichtege Mataarbechter verluer.

Säi Chef-Strateg a perséinleche Beroder Ismaël Emelien huet e Méindeg annoncéiert, den Elysée ze verloossen. De Grond wier e Buch, dat hie wéilt publizéiere, iwwert progressiv Politik.

De Macron hat sengem Staff awer verbuede Bicher ze publizéieren, wärend deem si fir hien schaffen.

Schonns am Januar hat de Sylvain Fort, e Kommunikatiounsberoder, deen d’Riede fir de President geschriwwen huet, den Elysée verlooss.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.