VIDEO-Reportage"Sharing Heritage", also "Patrimoine deelen"

Dat ass de Motto vum Europäesche Joer vum kulturelle Patrimoine, wat elo 2018 fir d’éischte Kéier vun der EU-Kommissioun ausgeruff gouf.

"Sharing Heritage", also "Patrimoine deelen" (05.12.2018)
Dat ass de Motto vum Europäesche Joer vum kulturelle Patrimoine, wat elo 2018 fir d’éischte Kéier vun der EU-Kommissioun ausgeruff gouf.

Ma och hei zu Lëtzebuerg huet sech de Centre National de l’Audiovisuel dofir eng afale gelooss.

Während 24 Stonne konnte sech leschte Weekend Technik- a Geschichts-Begeeschterter op engem sougenannten Hackathon Archiv-Material vum CNA eroflueden, fir domat da ganz nei Projeten ze kreéieren. Zum Schluss goufe 7 Projete virun enger Jury presentéiert.

Vu Virtual Reality, iwwer Computerspiller bis zu Film-an Touncollagë ware vill verschidden Iddien dobäi. Den éischte Präis, en Akafsbong vun 1000 Euro ass un e System fir eng méi séier Archivéierung an eng edukativ Notzung vun Archiv-Material gaangen. Den Event bleift awer just deen éischte Schrëtt vum CNA, fir an Zukunft ëmmer méi Archiv-Material online a fir jiddereen zur Verfügung ze stellen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.