Frist fir Scheedung festgeluechtEU wëll Brexit bis Enn 2020 duerchgezunn hunn

Op den 1. Januar 2021 sollen d'Britten definitiv aus der EU eraus sinn. Dat deelt d'EU-Kommissioun um Mëttwoch an engem Schreiwes mat.

An deem Schreiwes sinn d'Propose fir d'Verhandlungsdirektiv fir déi 2. Phase vun de Brexit-Verhandlunge néiergeschriwwen.

Groussbritannien verléisst d'EU den 29. Mäerz 2019, a wollt eng Iwwergangsphas vun 2 Joer. D'EU ass awer elo fir eng méi séier Ofwécklung vun där Iwwergangsphas, an där Groussbritannien nach am EU-Bannemaart an an der Zollunioun bleift.

De Michel Barnier hat scho viru puer Wochen 2020 als sënnvollen Datum fir d'Enn vun der Iwwergangsphas nom Brexit genannt.