SPE-SpëtzekandidaturKee kloren Dementi vum Jean Asselborn, ma Chamberwale gi vir

D'Parteien an Europa preparéiere sech op d'EU-Parlamentswahlen 2019, sou och d'europäesch Sozialdemokraten, bei deenen och e Spëtzekandidat gesicht gëtt.

An do fält an der Lescht och ëmmer méi dacks de Numm vum Lëtzebuerger Ausseminister Jean Asselborn. Dat schreift och en Dënschdeg den éisträichesche "Kurier".

Nieft dem Chef vun der Lëtzebuerger Diplomatie hätt och de franséischen EU-Kommissär Pierre Moscovici Interessi, fir Tête de Liste bei den Europäesche Sozialdemokraten d'nächst Joer ze ginn.

Am RTL-Interview um Mëttwoch sot de Jean Asselborn, datt säin Haapt-Engagement wier, fir mat senger Partei de 14. Oktober d'Chamberwahlen ze gewannen, net méi a net manner. E kloren Dementi gëtt et deemno vum Lëtzebuerger Chef-Diplomat net, mä d'Chamberswahlen sti kloer am Virdergrond.

De Jean Asselborn

D'Nominatioun vum SPE-Spëtzekandidat ass bei engem Kongress vun den 34 Memberparteien am Dezember zu Wien - ee Parteie-Meeting, deen nëmmen 2 Mol bannent 5 Joer ofgehale gëtt.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.