Nei EU-DateschutzregelenReding: Konsument besser geschützt, mat awer Eegeverantwortung

Entreprisen kréie méi streng Regelen un déi sech muss gehale ginn, Privat-Utilisateuren kréie virun allem méi Rechter.

© RTL Télé Lëtzebuerg

EU-Dateschutzgesetz / Reportage Ben Frin



Zanter dem Freideg ass déi nei Dateschutzrichtlinn vun der EU a Kraaft déi méi Transparenz a méi Sécherheet fir dem Konsument seng perséinlech Donnéeë soll mat sech bréngen. Zanter 2012 gouf un dëser Direktive geschafft, deemools war d'Viviane Reding zoustänneg EU-Kommissärin an huet d'Richtlinn am grousse Moos mat beafloss.

Zanter e puer Deeg scho mierkt een et, op esou gutt wéi all Internetsäit an op all App um Smartphone geet e Popup op a schreift engem eppes iwwer Dateschutz. Et huet e puer Joer gedauert, bis déi nei Reegelung dann elo endlech um 25. Mee 2018 a Kraaft getrueden ass, d'Viviane Reding war 2012 responsabel EU-Kommissärin. Am Ufank hätt et vill Géigewand géint de Projet ginn, dat well déi Partie, déi net wollt, datt de Beräich reguléiert gëtt, méi staark war, wéi déi Partie, déi wollt, datt keng Date méi vun Industrië kënne geklaut ginn, sou d'Viviane Reding.

De Konsument wier elo besser geschützt, hält awer ëmmer eng gewëssen eege Verantwortung. D'Viviane Reding schwätzt vun engem risegen Duerchbroch an deem Sënn, datt Europa elo déi stäerksten a kompaktesten Dateschutzregele fir den Individuum huet. Natierlech misst deen Eenzelen och matwierken, wann dat net geschitt, ass een och weider net esou geschützt, wéi et soll, sou d'Viviane Reding.

Eigentlech gouf et zanter 2002 schonn e Gesetz, dat war awer nach net u riseg Entreprisë wéi Facebook, Google oder ähnlecher adaptéiert. A genau ëm dës global Player geet et an der neier Richtlinn. An Zukunft solle et duerch dat neit Gesetz dëse groussen Technologie-Plattformen net méi méiglech sinn, d'Donnéeë vun de Leit einfach ze klauen a weider ze veraarbechten.

Elo géif et drop ukomme wéi déi nei Reegelung ëmgesat gëtt, weider zousätzlech Reegelunge wéi den „Eprivate“ wieren am Europaparlament an der Maach.

Ma wat huet et eigentlech mat deene virdrun ugeschwate Popups am Internet op sech, dat hu mer bei Be Secure nogefrot.

D'Deborah Plein huet d'Äntwert: Eine ganz wichtige Neuerung ist, dass alle Anbieter von Apps, von Diensten, von Webseiten ihre Nutzer informieren müssen, welche Daten von ihnen gesammelt und genutzt werden. Die meisten Popups zielen darauf ab den Nutzer zu informieren und wenn man schon irgendwo ein Abonnement hat oder bei einem Dienst angemeldet ist, dass man entsprechend zustimmt, dass man die neuen Datenschutzbedingungen und die Datenverarbeitung in der neuen Form akzeptiert.     

Einfach alles ewech klicken gëtt net geroden, ënner Ëmstänn kann een déi entspriechend Servicer soss herno net méi benotzen.

D'Deborah Klein: Man kann nicht global sagen jetzt bei allem was kommt immer nur Ja oder Nein zu klicken, weil es wirklich auch sehr unterschiedliche Aufforderungen sind. Beispielsweise wenn wir von Popups sprechen, die auf Webseiten kommen, da kann es sein, dass man darauf hingewiesen wird, dass Daten auf dieser Webseite gesammelt werden. Da kann man dann Ja oder Nein klicken, je nachdem für was man sich entscheidet. Grundsätzlich sollte man aber auf normalen Webseiten Informationen nutzen können, ohne dass man gezwungen ist ein Ja zu klicken.         

Informéiere ka sech den Utilisateur op der Säit vu Be Secure, wou eng extra Campagne Big Data lancéiert gouf.

Invité vun der Redaktioun (25. Mee): Christophe Buschmann vun der Dateschutzkommissioun
Invité vun der Redaktioun e Freideg de Moie war de Christophe Buschmann. Thema war dat neit Dateschutzgesetz.

RTLN-NEWS: Invité vun der Redaktioun (25. Mee): Christophe Buschmann vun der Dateschutzkommissioun

Wat ännert sech mam neien EU-Dateschutzgesetz?

Neit Dateschutzgesetz/Reportage Claudia Kollwelter



Vun e Freideg u gëllen an der ganzer EU déi nei Dateschutz-Regelen. Entreprisë musse streng Regelen anhalen, fir Date vu Persounen ze protegéieren. Mee och fir d'Utilisateuren ännert vill: si wäerten an Zukunft méi Rechter hunn.

Wat changéiert genee fir de normale Bierger?

Am Zentrum vun der "General Data Protection Regulation", kuerz GDPR steet de Schutz vun Daten, déi op Persoune bezu sinn. Fir ze ënnersträichen, wéi ee Stellewäert d'EU dësen Date gëtt, sinn d'Strofe bei Verstéiss immens an d'Luucht gesat ginn. Enger aktueller Etüd vun TNS-ILRES no sinn zu Lëtzebuerg 7 vun 10 Residente besuergt iwwert den abusive Gebrauch vun hiren Online-Daten.

Wat ännert also elo mat der neier Reglementatioun déi fir d'ganz Europäesch Unioun gëllt?

Nei ass virun allem de Faite, datt d'Bierger e méi erweidert Recht drop hunn, gewuer ze gi, wat mat hiren Date geschitt. Notzer kënnen elo och verlaangen, datt hir Date geläscht ginn. Generell mussen Entreprisen, Autoritéiten oder awer och zum Beispill Veräiner perséinlech Date läschen, wann dës net méi gebraucht ginn.

Betraff vun der neier Reglementatioun ass jiddereen deen Date verschafft, déi op Persoune bezu sinn, heescht zum Beispill Nimm, Geschlecht, E-Mail-Adressen - alles wat engem Mënsch zougeuerdent ka ginn. Dat gëllt och fir Autosplacken an IP-Adressen.

Firmen an Organisatioune mussen d'Notzer vun Ufank un driwwer informéieren, wien zu wéi engem Zweck wéi eng Date benotzen a méiglecherweis esouguer un Drëtter wëll weidergi.

De Verbraucher huet och d'Recht gewuer ze ginn, wéi eng Informatiounen iwwert hie gespäichert ginn, eng Kopie vun hire perséinlechen Daten ze kréien. Zum Beispill wann ee säi Patienten-Dossier consultéiere wëll oder wësse wëll, wéi eng Informatioune sozial Netzwierker iwwert ee gespäichert hunn oder wéi eng perséinlech Daten e Supermarché iwwert een huet.

Wann engem opfält, datt Daten, déi ee selwer betreffen, onkomplett oder net méi aktuell sinn, kann een och verlaangen, datt déi geännert a corrigéiert ginn. Dat Recht soll verhënneren, datt falsch Informatioune verschafft oder verbreet ginn.

Méi Kontroll heescht awer och méi eege Responsabilitéit - de Bierger muss sech also och an Zukunft méi mam Thema Dateschutz beschäftegen.

© AFP


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.