EU-KommissiounËnnert anerem Plastiksgeschir soll verbuede ginn

D'EU-Kommissioun huet e Méindeg am spéide Moien hir Pläng fir e Verbuet vu Plastiksgeschir, Schalimoen oder nach Ouerestäbercher presentéiert.

Zil ass eng Reduktioun vum Plastiksoffall an der Ëmwelt a virun allem an de Mierer. D'Kommissioun plangt eng Direktiv anzeféieren. De Vott an d'Ëmsetzen dovun dierft awer Joren daueren. De Projet ass inoffiziell schonn zanter e puer Woche bekannt.

Deemno hëlt d'Kommissioun zéng Produite besonnesch an d'Viséier, déi de gréissten Deel vum Plastiksoffall op de Plagen duerstellen.



Donieft plangt den EU-Budgetskommissär Günther Oettinger eng Taxe um Plastiksoffall, déi awer net direkt de Konsument soll belaaschten, mä di eenzel Memberlänner.

Pro Kilo net recycléierte Plastiksoffall misst dat betraffent Land e bestëmmte Montant un den EU-Budget ofginn. Déi national Contributioun soll bei 80 Cent de Kilo leien. Eng ganz Partie Länner hu schonn annoncéiert, géint sou eng Steier ze sinn.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.