VIDEO - Bettel virum Europa-ParlamentFir Europa, awer Géigewand bei Steierpolitik

De Lëtzebuerger Premier huet sech géint Nationalismus a Populismus ausgeschwat, ma beim Thema Besteierung vun Internetbetriber gouf et och uerg Kritik.

© RTL Archivbild

Géint Nationalismus a Populismus an iwwer d'Steierpolitik (30.05.2018)
Pro-europäeschen Optrëtt vum Premier Xavier Bettel zu Stroossbuerg, och wa seng Aussoen iwwer d'Steierpolitik fir Kritik a Widdersproch gesuergt hunn.


Et misst een méi an d’Innovatioun vu Start-Uppen an Europa investéieren, dat sot den Premier Xavier Bettel e Mëttwoch de Moien am EU-Parlament. De Xavier Bettel war jo zu Stroossbuerg, fir iwwert d’Zukunft vun Europa ze diskutéieren. Et wier elo un der Zäit, d‘Kompetitivitéit an der Unioun ze stäerken. Den europäesche Bannemaart wier eng wichteg Viraussetzung, datt d'Entreprise kompetitiv bleiwen.

Xavier Bettel am EU-Parlament/Reportage Frank Elsen



Fir datt den europäesche Bannemaart awer gutt funktionéiert, wier och den Euro eng wichteg Viraussetzung. Dowéinst wier et dann och vun strategescher Bedeitung, d'Verdéiwung vun der europäescher Wirtschafts- an Währungsunioun weiderhi virun ze dreiwen.

Ma och d'Sécherheet spillt eng wichteg Roll. Syrien, Tierkei, Libyen, Russland an d’Ukrain wieren déi direkt Nopere vun der Unioun. An deem Zesummenhang géifen national Grenzen hire Sënn verléieren.

Genee ewéi d’Reesfräiheet, wier d'Sécherheet ee wichtegt europäescht Element. De Premier begréisst an deem Kontext, datt europäesch Bierger weltwäit Protektioun vun allen europäeschen Ambassade kréien. D’Flüchtlingskris virun 3 Joer hätt awer gewisen, datt d’Unioun Efforten bei der Protektioun vun den EU-Baussegrenze misst maachen.

Donieft, misst déi extern politesch Kooperatioun verdéift ginn. D’Zil ass et, weiderhi Fridden an der Unioun ze garantéieren. Europa misst eng Protektioun géint d’Diktature sinn. Virun allem déi europäesch Rechter wieren ee wichtege Konsens tëscht de Memberstaaten, esou nach de Premier Xavier Bettel.



Just eng staark europäesch Währungsunioun kann Aarbechtsplaze schafen, betount de Premier Xavier Bettel. Eng Verdéiwung vun der Wiertschafts- a Währungsunioun dierf sech net just op budgetär Aspekter limitéieren. D'Verstäerkung vun der Kompetitivitéit an der Produktivitéit wiere Facteure vun Konvergenz op europäeschem Niveau.

De Xavier Bettel



D'Verdéiwung vum EU-Bannemaart wier weiderhin eng vun de wichtegsten Prioritéiten, esou nach den Premier Xavier Bettel.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.