Vladimir PutinRussland huet net d'Zil d'EU ze destabiliséieren

Villméi wier een drun intresséiert, dass d'EU gëeent ass a floréiert, well d'EU fir Russland de wichtegsten Handels- a Wirtschaftspartner ass.

Dat sot de russesche President Putin an engem Interview mam ORF am Virfeld vu senger Visite an Éisträich.

D'Relatiounen tëscht der EU a Russland sinn zanter der Annexioun vun der Krim duerch Moskau staark belaascht a vu géigesäitegen Wirtschaftssanktioune markéiert.

De Vladimir Putin gëtt um Dënschdeg fir eng Aarbechtsvisite an Éisträich empfaangen. Et ass seng éischt Auslandsvisite, zanter de russesche President am Mäerz erëm gewielt gi war.