VIDEO: Justizreform a PolenPolen huet sech misse virum EU-Rot zu Lëtzebuerg erklären

D'EU-Prozedur géint déi ëmstridde Justizreform a Polen geet en Dënschdeg an eng nei Phas.

© AFP Archivbild

Polen musst um Dënschdeg am EU-Rot zu Lëtzebuerg, den aneren EU-Memberlänner an der Europäescher Kommissioun, Ried an Äntwert stoe wéinst der ëmstriddener Justizreform, déi 2017 a Kraaft getrueden ass.

Schonn am Dezember hat d'Kommissioun dofir den Artikel 7 declenchéiert, duerch den Warschau in extremis kéint säi Wahlrecht als EU-Memberstaat verléieren. De Rechtsstaat wär nämlech a Gefor, well mat der Reform d'Riichter net méi onofhängeg sinn, erkläert de Vizepresident vun der EU-Kommissioun Frans Timmermans um RTL-Mikro.

De Frans Timmermans



Den Interview mam Frans Timmermans (26.06.2018)
Polen musst am EU-Rot zu Lëtzebuerg, den aneren EU-Memberlänner an der Europäescher Kommissioun, Ried an Äntwert stoen.


D'Argumentatioun vu Warschau ass vun Ufank un déi nämmlecht, nämlech dass Bréissel guer net d'Recht huet, hinnen an de Krom ze schwätzen. Zweetens wär et net wouer, dass duerch dës Reform d'Onofhängegkeet vun der Justiz géing ënnerbonne ginn, sou heescht et vun der polnescher Regierung an donieft wär déi polnesch Populatioun fir dës Reform.

De Frans Timmermans (2)



Soll Bréissel sech dann iwwerhaapt an d'Innepolitik vu senge Memberstaaten amëschen "Jo" oder "Nee"? Mécht d'EU genuch? Ze mann? Ze vill?

Fir genee sou Froe  kënnt de Frans Timmermans schonn nächste Méindeg den 2. Juli nees an de Grand-Duché, dat am Kader vun den europäesche Bierger-Dialoger. Den Dialog ass op Franséisch, Däitsch an Englesch mat enger Traductioun. Et geet wéi gesot ëm d'Zukunft vun Europa.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.