Zukunft nom BrexitBritesch Premierministesch verweist op Enn vun der Woch

Theresa May wëll eréischt nom EU-Sommet weider Detailer iwwert hir Virstellungen vun den zukünftege Relatiounen tëscht der EU a London nom Austrëtt ginn.

D'EU-Negociateuren haten an der Vergaangenheet dacks kritiséiert, datt et net genuch Fortschrëtter an de Verhandlunge gouf an d'Zäit fir sech propper ze trennen knapp géif ginn.

En Haaptsträitpunkt bleift wéi een an Zukunft mat der Grenz tëscht dem briteschen Nordirland an dem EU-Memberstaat Irland ëmgeet.

D'britescht Gesetz zum EU-Austrëtt vu Groussbritannien ass um Dënschdeg an der Mëttesstonn a Kraaft getrueden, wéi d'Kinnigin Elizabeth déi Zweet d'Brexit-Gesetz ënnerschriwwen huet. Do virdrun hat et méintelaang zum Deel hefteg Debatten am britesche Parlament ginn. D'Gesetz war d'lescht Woch am Parlament gestëmmt ginn; d'Zoustëmmung vun der Kinnigin ass op der Insel de leschte Schrëtt vun der Gesetzprozedur.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.